Sezoni 2019-2020 ka rezultuar i suksesshëm për lojtarët e kombëtares shqiptare, të cilët së fundmi kanë filluar të piketohen nga klube shumë të mirë.
Mbrojtësi i Hajduku Spilit, Ardian Ismajli ka bërë një sezon shumë të mirë dhe është rritur akoma më shumë profesionalisht.
Ismajli u bë pjesë e klubit kroat në verën e vitit 2016 dhe që nga ai moment ka ardhur në rritje dhe ka bërë paraqitje shumë të mira.
23-vjeçari shqiptar ka rënë në sy të Bolonjës, e cila po vëzhgon disa lojtarë për të forcuar mbrojtjen e skuadrës.
Deri më tani skuadra e Serisë A u ka vënë syrin edhe Bonifazit, Huan Zhezus dhe Kajerit, raporton “Corriere Di Bologna”.
Ndër të tjera shtohet se skuadra e Bolonjës është duke kërkuar informacione nga drejtuesit e Hajdukut për shqiptarin, i cili deri më tani është aktivizuar në 16 ndeshje në këtë sezon.
Vlera e mbrojtësit të Kombëtares shkon te 1 milionë euro, duke bërë që transferimi i tij te Bolonja të varet nga shuma që do ofrojë klubi italian./Përgatiti: Fjala.al/
