Këshilltari ekonomik i CDU, partisë së kancelares Merkel, Martin Henze ka kritikuar qëndrimin e ambasadorit të BE në Shqipëri, Soreca. Këshilltari i CDU, Henze i ka drejtuar disa pyetje ambasadorit Luigi Soreca, në lidhje me një nga temat më të diskutuara në rajon, ndryshimin e kufijve mes Serbisë dhe Kosovës .
“Ambasador, ju e dini që ekziston një qëndrim i qartë i BE-së dhe Gjermanisë për njohjen e detyrueshme të kufijve të Kosovës, pse nuk e kërkuat këtë me qartësi? Në këtë kontekst, a keni kërkuar gjithashtu që tani duhet të zbatohen 9 pikat e përcaktuara nga Bundestagu gjerman të përcaktuara në muajin Maj?”- shkruan në Twitter Martin Henze
“Ambasador, a jeni i përfshirë në negociatat midis autokratëve Rama dhe Vuçiç? Kemi dëgjuar gjithashtu që ju i mbështesni këto negociata, a është kështu? Pse nuk e mbështetni njohjen e kufijve të Kosovës?”- pyet Martin Henze në Twitter.
Këshilltari për ekonominë i partisë CDU-së, Henze është një nga personat më aktivë që ka reaguar disa herë për çështje që lidhen me aktualitetin në Shqipëri. I njohur për stilin drejtpërdrejtë , kritikat e tij janë adresuar për qeverinë shqiptare dhe për qëndrimin e BE-së kundrejt procesit të integrimit të vendeve të Ballkanit Perëndimor. /fjala.al/
