Olti Curri është një nga opinionistët më të njohur në vendin tonë, ai shquhet për natyrën e të thënit gjërat shkoqur dhe këtë herë duket se rradhën për tu përballur me ironinë e tij e ka pasur Alketa Vejsiu.
Olti përgjatë tre netëve të transmetitit të Festivalit, ka qenë shumë kritik thuajse ndaj çdo fjale të Alketa Vejsiut, e cila ka prezantuar mbrëmjen e kaluar Festivalin e Këngës në RTSH. . Shkak i këtyre kritikave ka qenë vetë Alketa sepse sipas tij festivalin e bëri si të sajin dhe jo si të artistëve që merrnin pjesë, pasi prezentë në çdo gjë dhe në qendër të vëmendjes qëndronte vetëm Alketa.
“Nuk është nevoja të marrësh kohë televizive në një festival që organizohet nga televizioni shtetëror për të hequr fiksimin për të kënduar si të të vijë…ka edhe metoda më ekonomike dhe pak bezdisëse për veshin e publikut që është njoftuar se do të dëgjojë garë këngetarësh jo karaoke private”, shkruante Olti në Instagram-in e tij.
Fjalët e tij u mbështetën nga një pjesë e publikut dhe dikush i shkruan Alketës në një postim: “Vetëm Olti Curri të del hakut ty”. Këto fjalë nuk i kanë pëlqyer aspak Alketës, e cila ka reaguar duke i drejtuar ndjekësit gishtin e mesit me anë të një emoji./Fjala.al
