Tërmeti i 26 nëntorit që goditi Shqipërinë tregoi solidarizim jo vetëm brenda vendit, por edhe në rajon si dhe nga bota. Nga shumë vende të botës nuk kanë munguar solidariteti njerëzor dhe ndihmat e ekipeve të specializuara në emergjencat civile.
Por pas kësaj, duket se radha po i vjen ndihmave materiale dhe ekonomike. Shtetet e Bashkuara i dhuruan sot Forcave të Armatosura Shqiptare mbi 330 mijë dollarë pajisje, për raste emergjencash, në mbështetje të përpjekjeve të vazhdueshme humanitare pas tërmetit të 26 nëntorit.
Gjeneratorët, tendat, elementët e ngrohjes dhe pajisjet e tjera të dhuruara do të ndihmojnë gjithashtu edhe në përpjekjet e ardhshme humanitare dhe të reagimit ndaj emergjencave.
Njoftimi është bërë publik në faqen zyrtare në “Facebook” të ambasadës Amerikane në Tiranë:
“??️ | Sot, qeveria e Shteteve të Bashkuara u dhuroi Forcave të Armatosura Shqiptare mbi 330,000 dollarë pajisjesh për raste emergjencash, në mbështetje të përpjekjeve të vazhdueshme humanitare pas tërmetit të 26 nëntorit. Gjeneratorët, tendat, elementët e ngrohjes dhe pajisjet e tjera të dhuruara do të ndihmojnë gjithashtu edhe në përpjekjet e ardhshme humanitare dhe të reagimit ndaj emergjencave. #ShBAQendronKrahShqiperise”
Rikujtojmë se nga tërmeti me madhësi 6.4 ballë humbën jetën 51 qytetarë, mbetën mijëra të pastrehë nga dëmtimi i 8 mijë pallateve dhe banesave në tre qarqe, Tiranë, Durrës dhe Lezhë. Shkalla e dëmit mendohet të jetë disa qindra milion euro.
Tirana ka nisur rimëkëmbjen dhe rikthimin në normalitet për të gjitha familjet që u prekën nga tërmeti i 21 shtatorit. Bashkia e Tiranës, në bashkëpunim me biznesin e ndërtimit, po punon për rindërtimin sa më parë të të gjitha shtëpive të dëmtuara, ndërkaq nuk mungon as solidariteti për ndihma konkrete në ushqime, veshje dhe pajisje elektroshtëpiake.
Buxheti i shtetit do të mbajë barrën më të madhe pas tërmetit tragjik. Buxheti ka një barrë të jashtëzakonshme për të mbajtur të gjitha nevojat, sepse jeta normale do të kthehet dhe dielli do të dalë prapë dhe asgjë nga ato që bëhen nuk mund t’u privohet njerëzve.
Idetë janë të mira dhe skema që po formësohet është fituese, buxhet-donatorë dhe kontributet e njerëzve që janë të papërfillshme në raport me të tërën, por janë të nevojshme”,- është shprehur kryeministri Rama./Fjala.al/
