Udhëtimi brenda planetit tonë nuk përbën më sfidë, prandaj shkenca po fillon të mendojë seriozisht për udhëtimin ndërplanetar. Nismën e ka marrë një kompani private ruse e quajtur “S7 Space”, e cila u ka bërë thirrje koorporatave shtetërore, firmave tregtare dhe fillestarëve që të marrin seriozisht fillimin e një projekti që synon krijimin e një aeroporti hapsinor.
Ky aeroport hapsinor ka si qëllim kryesor transportin e ardhshëm ndërplanetar. Kjo gjë është hasur për herë të parë në poemën suedeze ‘Aniara’ e autorit Harry Martinson, ku një anije kozmike luksoze merr pasagjerët nga Toka për në Mars.
Kompania ruse ka njoftuar se, është duke nisur këtë projekt në të cilin do të bëhet një qendër transiti për riparimin dhe furnizimin me karburant të anijeve hapsinore ndërplanetare dhe satelitët tokësorë, një laborator kërkimor, një terren trajnimi, si dhe një qendër turistike.
“Ne po fillojmë punën për të zbatuar projektin ‘Cosmodrome Orbital’. Për ta bërë këtë, ne jemi duke propozuar që të aplikojmë të gjithë përvojën e fituar nga programi i brendshëm hapsinor në misionet afatgjata.
Do të bëhet një qendër transiti për riparimin dhe furnizimin me karburant të anijeve hapsinore ndërplanetare dhe satelitët tokësorë, një laborator kërkimor, një terren trajnimi, si dhe një qendër turistike”, – thuhej në njoftimin zyrtar të kompanisë “S7 Space”.
I gjithë ky projekt është pak a shumë si në poemën “Aniara”, e cila u bë frymëzim për realizimin e një prej filmave më të mirë me fantashkencë. Të gjitha avancimet që bën teknologjia sot na vërtetojnë bindjen se, fantazia nuk shkon më larg se realiteti./Fjala.al/
