Pas fitores së Arilenës, Elvana Gjata heshti mes shumë komentesh e zhgënjyer që nuk e fitoj vendin e parë. Por ditën e djeshme ajo ka postuar në mënyrë publike mendimin e saj rreth festivalit. Elvana shkruan:
“Refuzoj të flas në këto raste por më duhet ta bëj…
Arilena… nuk është faj yt dhe të uroj me gjithë zemër vetëm sukses! Dua të falënderoj të gjithë Shqiptarët kudo që ndodhen por dhe fansat e rinj Evropianë për dashurinë, mbështetjen që më keni dhënë që ditën që “Me Tana” doli! I kam parë të gjitha sondazhet e ju kamë parë të këndoni e të kërceni këngën me sytë e mi çdo ditë, e ju pashë dhe në sallë me duart lart! Ju kam dëgjuar kur thërrisni emrin tim plot zjarr në festival në Diasporë dhe Prishtinë, e dëgjova dhe dje në Tiranë si kurrë më parë në jetën time! Zemra plot!
Kam punuar fort për atë projekt e do punoj derisa të kem frymë! Puna s’më ka hedhur kurrë poshtë, as balta e as helmi me apo pa porosi! Faleminderit jurisë evropiane për vlerësimin maksimal u gëzova shumë! Dashin me fal as 2-pikëshi Mikelës s’mundet me ma ndal”./Fjala.al/
Përgatiti: Enkeleda Fishekaj
