Mbrojtësi i skuadrës së Bayern Munich, Jerome Boateng, duhet të paraqitet sërish në gjykatë, për shkak të një sherri midis tij dhe ish-të fejuarës, ndodhur në vitin 2018.
Media gjermane “WDR” raporton se Boateng akuzohet për dhunë fizike ndaj dy personave dhe për këtë arsye duhet të dalë para trupit gjykues.
Mbrojtësi i Bayern dhe ish-lojtari i Kombëtares së Gjermanisë duhet të vërtetojë pafajësinë e tij, por deri në atë moment ky gjyq duket se ka ndikim të madh në vjetën e futbollistit.
Ndeshja e radhës e kampionëve të Gjermanisë do të zhvillohet më 19 janar 2020, takim në të cilin Bayern do ketë përballë Hertha Berlin, por mungesa e Boateg në këtë ndeshje apo në takimet e radhës do kishte ndikim të madh te ta.
Duhet theksuar se Munchin nuk ka pasur rezultate shumë të mira në këtë sezon, duke qenë aktualisht në vend të tretë,pas Leipzig të vendit të parë dhe Monchengladbach që qëndron i dyti në këtë kategori.
Gjithsesi deri në vendimin gjykatës për mbrojtësin, Bayern duhet të përgatitet për sfidat e radhës dhe për tu ringritur në vendin e parë./Përgatiti: Fjala.al/
