Pasojat e incidentit në centralin bërthamor të Fokushimas, më 11 Mars 2011, pritet të sjellin pasoja nëse situata nuk menaxhohet si duhet. Megjithëse kanë kaluar shumë vite nga tragjedia pas cunamit në Japoni, mbeturinat radioaktive janë ende një kërcënim për planetin.
Kjo ndodh pasi radioaktiviteti mund të marrë jetë njerëzish në kohë rekord. Miliona ton ujë radioaktiv i cili ka qenë i izoluar brenda centralit të Fokushimës, që prej 2011-ës, është propozuar që të derdhet në det.
Që nga momenti i incidentit e deri më sot, uji radioaktiv ka rrjedhur rregullisht nga centrali dhe tani depozitat janë mbushur plot. Ka qenë pikërisht Agjencia për Burime Natyrore dhe Energjinë, e cila ka dhënë propozimin absurd që ky ujë të derdhet në det.
Por çfarë ndodh nëse uji radioaktiv derdhet në det?
Nëse kjo sasi uji derdhet në det atëherë gjithë planeti është i ekspozuar nga sasia më e madhe e radioaktivitetit e derdhur ndonjëherë në det apo oqean. Edhe pse vendet më të afërta me burimin radioaktiv, janë edhe ato më të rrezikuarat, grimcat radioaktive kanë veti të përhapen me shpejtësi duke kontaminuar të gjithë planetin.
Rrezatimi radioaktiv përbën rrezik kancerogjen për njeriun. Ai mund të dëmtojë strukturën e ADN-së në qelizat e njeriut. Në disa raste ADN-ja e dëmtuar mund të riparohet, por në rastet kur dëmtimi është shumë i madh, atëherë diçka e tillë nuk është e mundur. Qelizat e dëmtuara kanë tendencën që të kthehen në qeliza kancerogjene.
Japonia ndodhet në të njëjtën situatë që ka qenë Chernobyl-i në Ukrainë në vitin 1986. Edhe pse vdiqën mijëra njerëz numri do ishte akoma më i lartë nëse masa radioaktive do të shkrihej në tokë dhe më pas do derdhej në ujë.
Në Chernobyl kanë qenë qindra minatorë që kanë sakrifikuar jetën e tyre me vetëdije, për të shpëtuar gjysmën e popullsisë së kontinentit./Fjala.al/
