Moti ka patur një ulje të ndjeshme të temperaturave ditët e fundit, por sipas sinoptikanëve ky është vetëm fillimi i të ftohtit i cili do përfshijë vendin. Ditën e nesërme parashikohet një mot i kthjellët me vranësira të përqendruara kryesisht përgjatë zonave malore.
Shërbimi Meteorologjik Ushtarak, bën me dije se në zona të thella malore do të ketë reshje bore. Era do të fryjë nga kuadrati i veriut e në orët e pasdites e vrullshme, kryesisht në brigjet detare.
Valëzimi në bregdet, pritet të jetë i forcës 3 deri 4 ballë. Përsa i përket temperaturave, ato do të varjojnë -1ºC deri në 7ºC në zonat malore, 2ºC deri në 15ºC në zonat e ulëta dhe 4ºC deri në 16ºC në bregdet./Fjala.al/
