Ata ishin ylli i madh që shndriti në Europë në një skuadër talentesh. Shpejt ranë në ‘grepat’ e skuadrave më të mëdha të botës, por u ndanë.
Lanë skuadrën e zemrës dhe lëvizën drejt majës së futbollit, por asnjëherë s`harruan njëri-tjetrin as Ajax-in e tyre. Mattijs De Ligt dhe Frenkie de Jong janë mbrojtësi dhe mesfushori më premtues të këtij sezoni.
I pari u cilësua si i riu më i mirë i Europës për sezonin që lamë pas, pra para se të transferohej te Juventus. Ndërsa i dyti është ‘violina’ që bëri Barcelonën të hidhte jo pak para për transferimin e tij.
Por Matthijs de Ligt e refuzoi Barcelonën gjatë verës, pasi zgjodhi t’i bashkohet Juventusit. Por Frenkie de Jong beson se ish-bashkëlojtari i tij tek Ajax mund t’i ribashkohet atij në ‘Camp Nou’ në të ardhmen e afërt.
“De Ligt mund të luajë për Barcelonën në të ardhmen e afërt”, tha De Jong për ‘De Telegraaf’.
“Fakti që ka shkuar në Itali nuk nënkupton se ai nuk mund të luajë për Barcelonën pas pak vitesh. Ai e ka bërë vendimin e duhur; po bën punë të mirë në Torino”, shtoi ai.
Ai foli edhe për veten dhe mënyrën e përshtatjes së shpejtë në skuadrën katalonase.
“Përshtatje ime në skuadër, e them me dy fjalë: pothuajse e përkryer”, theksoi ai, ndërsa Barcelona vijon si çdo vit me synimin e fitimit të të gjithë trofeve. /Fjala.al/