E gjithë bota sot ka festuar Krishtlindjen, por kjo festë nuk ka ndalë Hong Kongun të protestojë. Aktivistët pro-demokracisë janë përleshur me policinë dhe liderja pro-Pekinit në këtë vend, Carrie Lam, e ka dënuar këtë protestë.
Policia ka përdorur spraj piperi dhe gaz lotsjellës, pasi protestuesit kanë marshuar në disa pjesë të qytetit. Carrie Lam është shprehur se, festa e Krishtlindjes është “shkatërruar” nga protestuesit, duke i etiketuar ata si, “egoistë dhe rebelë të pamatur”.
“Veprime të tilla ilegale jo vetëm që kanë prishur atmosferën festive por edhe kanë ndikuar në bizneset lokale”,- ka thënë ajo në Facebook.
Për më shumë se pesë muaj, qindra mijëra persona kanë protestuar në Hong Kong dhe këto organizime do vazhdojnë, edhe pse në shumë raste ka shpërthyer dhuna.
Hong Kongu, është pjesë e Kinës, mirëpo funksionon sipas organizimit autonom “një shtet, dy sisteme”. Kjo është edhe arsyeja e protestës, pasi protestuesit janë të zemëruar të shohin ndërhyrjen kineze në liritë e Hong Kongut./Fjala.al/
