Drejtori i Lazios, shqiptari Igli Tare konsiderohet si një nga më të mirët jo vetëm në Itali por në të gjithë Evropën.
Tare ka arritur që të bëjë goditje të zgjuara për të mos thënë të mrekullueshme, me Klosen, Zaraten, Hernanes, Bilian e shumë lojtarë të tjerë.
Drejtori i Lazios di të tregohet i duruar me të rinjtë dhe mbi të gjitha ka një intuitë të jashtëzakonshme për të parë potencialitetin e tyre. Ai nuk i trembet rrezikut për të grumbulluar lojtarë që mundtë kenë pasur edhe ulje, por që kanë potencialitet të lartë.
Në merkaton e verës, Tares iu ofrua që të kalonte në drejtimin e klubit të Milan, ku Maldini tentoi për ditë me radhë që t’i mbushte mendjen ish-kapitenit të Kombëtares së Shqipërisë që të kalonte te “Djalli” dhe të ndërtonte ekipin që donte për këtë sezon.
Kjo ofertë ishte goxha tunduese për shqiptarin, i cili në fëmijëri ka qenë tifoz i zjarrtë i kuqezinjve, por në fund mori vendimin që të mos e braktiste Lazion.
Ky vendim i Igli Tares u vlerësua nga Lotito, i cili i dha shqiptarit ,ë shumë pavarësi dhe i bëri një rritje të theksuar të rrogës./Përgatiti: Fjala.al/
