Në Kolorado të SHBA-ve, ka ndodhur një ngjarje e pazakontë këtë festë Krishtlindjesh. Një burrë me mjekër të bardhë dhe mustaqe, ka plaçkitur një bankë dhe më pas ka filluar të hedhë në ajër paratë e vjedhura të cilat i mblidhnin kalimtarët e rastit, ndërsa ai dëgjohej të bërtiste “Gëzuar Krishtlindjen”.
Sipas policisë ky burrë i moshuar ka plaçkitur bankën “Academy”, dy ditë para festës së Krishtlindjes, në kohën kur punonjësit e bankës kishin dalë në pushimin e drekës.
Dëshmitarët kanë thënë se, ai kishte plaçkitur bankën dhe më pas kishte dalë në rrugë duke i hedhur në ajër paratë, dhe vazhdimisht bërtiste “Gëzuar Krishtlindjen”.
Sikur kjo të mos mjaftonte, ai më pas shkoi dhe u ul në lokalin më të afërt të Starbucks, për të shijuar një kafe dhe për të pritur policinë që ta arrestojnë.
Ndërkohë kalimtarët e rastit të cilët kishin mbledhur paratë nëpër rrugë, i kthyen ato përsëri në bankë. Do ishte vërtet shumë interesante nëse 65-vjeçari do dilte përpara makinave të policisë e të bërtiste: “më arrestoni, unë e vodha bankën”./Fjala.al/Burimi: BBC/
