Franca është përfshirë nga një tjetër protestë e punëtorëve e cila po hyn në javën e saj të katërt. Bëhet fjalë për punëtorët e transportit në Francë, të cilët kanë vazhduar protestën edhe në ditën e Krishtlindjeve, duke u shkaktuar probleme udhëtarëve që janë nisur drejt shtëpive të tyre për të festuar këtë ditë me familjarët.
Protestat kundër një reforme për pensione, kanë sjellë me mijëra anulime të udhëtimeve të trenave. Stacionet kryesore të trenave në Paris rezultojnë të mbyllura si pasojë e kësaj situate.
Sipas këtyre reformave, ata që dalin në pension para moshës 64 vjeç do të marrin pension më të ulët.
Në negociatat e javës së kaluar mes qeverisë dhe sindikatave nuk është arritur marrëveshje, prandaj punëtorët e transportit kanë paralajmëruar se, nuk do të ketë ndalje të grevës derisa zyrtarët të heqin dorë nga planet për shkrirë 42 skemat për pensione në një.
Sipas qeverisë së Francës, ky ndryshim është i nevojshëm për të krijuar një sistem të drejtë të pensionit./Fjala.al/
