UEFA ka shpallur listën me kandidatët që do jenë pjesë e formacionit më të mirë të futbollit për vitin 2019.
Në një postim të faqes zyrtare të UEFA-s janë publikuar fotot dhe emrat e lojtarëve që do të përzgjidhen për këtë formacion. Në listën e qeverisë evropiane të futbollit janë plot 50 emra lojtarësh, të cilët do votohen për skuadrën më të mirë të këtij viti.
Emrat e portierëve që janë vënë në këtë votim janë pesë, ku duhet theksuar se Alison i Liverpool ka pasur një vit shumë të suksesshëm, por “Reds” kanë në këtë listë edhe tre lojtarë të tjerë duke u bërë një nga skuadrat me më shumë futbollistë të kandiduar për krijimin e skuadrës më të mirë të vitit.
Virgil Van Dijk është një nga emrat e Liverpool që mund të bëhet pjesë e formacionit të vitit,por në këtë garë ai ka përballë futbollistë të shkëlqyer siç janë Ramos, Piquet e De Light.
Mesfusha dominohet nga Manchester City dhe Liverpool me nga tre futbollistë. Ndërsa në sulm triumfojnë emrat e yjeve të tillë si Messi e Ronaldo, por listës i shtohen edhe të tjerë legjenda si Slaah, Lewandowski, Mane e Firmino. /Përgatiti: Fjala.al/
