Ditën e djeshme Damiano Agalliu ish banori i Big Brother, një nga djemtë më të përfolur në show bizz-it i jep fund beqarisë. Ai ka qenë gjithmonë në qendër të vëmendjes prej natyrës dhe karakterit të tij energjik. Askush nuk e mendonte se një djalë si Damiano do dashurohej kaq shumë me një femër dhe të merrte një vendim kaq të madh si martesa në një kohë të shkurtër. Ka qenë vetë Damiano ai që ka postuar një foto në insta story dhe i bëri njerëzit kureshtarë. Ai postoi kostumin që do të vishte të nesërmen në dasmën e tij dhe shkroi: “Gati për një ditë të madhe”, “Ready for a big day”
Ai prej kohësh na kishte zbuluar se ishte në një lidhje me një vajzë jashtë nga fusha e show bizz-it. Në date 16 tetor ai shpalli fejesën. Emri i vajzës ende nuk është publik nga Damiano. Mesa duket ai ka preferuar ta mbajë larg nga mediat.
Të ftuar në dasmën e Damianos kanë qenë shumë emra të njohur, midis tyre regjisori Drilon Hoxha, këngëtari Anxhelo Koçi, Ergys Keta dhe Klajdi Budini. Ajo që vihet re është mungesa e ish banorëve të “Big Brother”. Mesa duket Damiano nuk i ruan marrëdhëniet me ta.
Nuk na mbetet gjë tjetër veçse t’i urojmë çiftit jetë të lumtur.
Përgatiti: Enkeleda Fishekaj
