West Ham- Leicester City dhe Norwich-Tottenham janë dy takime që luajnë për javën e 20 të kategorisë kryesore në Angli.
E ndërsa klubi i Jose Mourinhos, Tottenham është mundur në pjesën e parë të lojës nga Norwich i vendit të fundit me rezultatin 1-0, te takimi tjetër deri më tani jemi me rezultate të barabarta.
Ishte Leicester City skuadra që zhbllokoi e para rezultatin në minutën e 40 me anë të golit të Kelechi Iheanacho, por ky rezultat nuk zgjati për shumë pasi në minutën e 45 dhe të fundit të fraksionit të parë arriti që të barazonte rezultatin për West Ham Pablo Fornals.
Leicesterit i duhet me patjetër një fitore e kësaj ndeshjeje pasi do i mundësonte një afrim më të madh me Liverpoolin e vendit të parë, ndërsa për West Ham fitorja do ishte një mundësi më shumë për t’u larguar nga zona e rrezikut.
Deri më tani për të dyja takimet është luajtur vetëm 45-minutshi i parë dhe me shumë mundësi deri në fund të pjesës së dytë mund të kemi ndryshime thelbësore./Përgatiti: Fjala.al/
