Vrasja e Flamur (Alex) Beqirit ka qënë në fokusin e mediave shqipatre e të huaja. Ai u eliminua me disa plumba të martën para shtëpisë së tij teksa kthehej pas një darke jashtë me familjen. Mediat britanike raportojnë se dyshohet se vrasja ka të bëjë me një mori eliminimesh mes grupeve të shqiptarëve për çështje të trafikut të lëndëve narkotike duke theksuar se Beqiri ishte ndër më të kërkuarit në Suedi.
Mediat angleze shkruajnë se Beqiri kishte lidhje me mafiozë të njohur e emra të njohur të botës së nëndheshme.
Beqiri, siç shkruan “Daily Mail” ishte shok me një person të përfshirë në një nga grabitjet më të famshme të ndodhura ndonjëherë në Danimarkë. Naief Adaui quhet personi, që ka arritur të vjedhë 8 milionë euro në një firmë sigurie, duke kryer edhe grabitjen me të madhe në historinë e shtetit danez.
Adaui ishte i ftuar mes të tjerësh në dasmën e Beqirit. Autoritetet flasin për një ekzekutim mafioz të shqiptarit, pas dyshimeve se është përfshirë në ngjarje kriminale. Adavi arriti t’i shpëtonte një atentati, por viktimë mbeti e dashura e tij, të cilës ai i la fëmijën e tij në krah dhe u largua me vrap.
Karolin Hakim mbeti e vdekur në vend nga të shtënat, por fëmija, një vajzë dy muajshe arriti të shpëtonte. Adaui tani ndodhet në burg. Në grabitjen e famshme të Danimarkës u përfshinë 20 burra, të cilët përdorën një bulldozër për të hedhur poshtë muret e ndërtesës e për të marrë paratë. Grabitësit ikën nga vendngjarje me makina të vjedhura, ndërsa Adaui ra në prangat e policisë pak kohë më vonë.
Mediat angleze edhe më herët kanë raportuar për vrasjen e Flamur Beqirit në Londër, duke u shprehur se ekzekutimi i tij ishte një atentat mafioz i mbushur me shumë dyshime. Po ashtu, u raportua se Beqiri kishte bërë edhe një dasmë luksoze, me personazhe të famshëm nga Britania e Madhe.
