Policia e Shtetit është duke vazhduar kontrollin në të gjithë vendin, për sekuestrimin e lëndëve piroteknike dhe procedimin penal të personat që i shesin.
Policia njofton se kanë sekuestruar në Pogradec 200 kapsolla dhe në Kuçovë 245 kapsolla, ndërkaq janë proceduar penalisht 4 persona dhe tre të tjerë janë proceduar administrativisht.
Njoftimi i plotë
“Vijon kontrolli në të gjithë vendin për sekuestrimin e lëndëve piroteknike.
Sekuestrohen në Pogradec 200 kapsolla dhe në Kuçovë 245 kapsolla.
Po gjatë javës që kaloi, në të gjithë vendin janë sekuestruar rreth 8500 kapsolla e 200 fishekzjarrë.
Janë proceduar penalisht 4 shtetas dhe 3 të tjerë janë proceduar administrativisht.
Në zbatim të urdhrit të tre ministrave, nr. 661, datë 13.12.2018, “Për ndalimin e hedhjes në treg të lëndëve piroteknike dhe fishekzjarrëve dhe përdorimin civil, që rrezikojnë sigurinë publike”, nga strukturat e Policisë së Shtetit, në bashkëpunim edhe me shërbimin zjarrfikës ka vijuar kontrolli i pandërprerë në subjekte të ndryshme dhe tregje me shumicë e pakicë, me qëllim evidentimin dhe sekuestrimin e lendeve piroteknike dhe fishekzjarrëve.
Gjate javës që kaloi janë kontrolluar 4345 subjekte dhe janë konstatuar mallra fishekzjarrë apo lëndë piroteknike.
Si rezultat i kontrolleve në qarqet Dibër, Tiranë, Gjirokastër, Korçë e Berat, janë gjetur dhe sekuestruar rreth 8500 kapsolla dhe 200 fishekzjarrë. Në lidhje me këto raste janë proceduar penalisht 4 shtetas, si dhe 3 të tjerë janë ndëshkuar me masë administrative nga shërbimi zjarrfikës.
Me qëllim që nata e ndërrimit të viteve të kalojë pa probleme për sa i përket lëndëve piroteknike, Policia e Shtetit fton qytetarët që të denoncojnë në numrin 112 e Komisariatin Dixhital çdo rast të tregtimit apo përdorimit të kapsollave, fishekzjarrëve dhe çdo rast të paligjshmërisë.”/Fjala.al
https://www.facebook.com/1502420603377639/videos/579098476209337/?__xts__[0]=68.ARCSfE5LvYRhcr0J3ptYYg03cAUATiHBT4IuGftmD_b7lcSPriEaM74kHAfhBoqhJiT2X92w085uRLB9zheQ0E_qzEEP0OPEEc-1_JIMyvn35-xvLqhWgDdRxOw6FKM_tJomicsiGflMpo8eYb8DuCotEyT6e-HfF0SemKUNmAAG_ASp9dVoMS4taKwfraQciUeA6UAcSMrldftZgC3kp0lK1wG2uClJMXpjsocVsLdXXZN1DC4d0Zklw6zHzK5q1Hsafd77BKQalQp6GJ86CannvYzLeL_gR-8o16LISEgNISE_bA9KppYpfLKRodCWq2TLDefzOnmaS373a1EvlZ0f1tmyTyqQPnmjBOUI&__tn__=-R
