Juventus ka nisur merkaton e dimrit dhe goditja e parë është 19-vjeçari Dejan Kulusevski. I riu që deri më tani aktivizohet te Parma, ka kohë që kërkohet nga Antonio Konte për t’u bashkuar me zikaltrit e tij, mirëpo duket se në momentin e fundit Kulusevski ka zgjedhur të jetë pjesë e “Zonjës së Vjetër”.
Ky lajm u bë publik nga mediet vendase, të cilat bëjnë me dije se Juventus ka firmosur më Atalantën, pasi është klubi që mbante kartonin e sulmuesit.
Në këtë mënyrë Juvja i bën një tjetër rrëmbim Interit tashmë jo vetëm fitore në fushë, por të një futbollisti të shumëkërkuar prej kohësh.
19-vjeçari do firmosë ditën e sotme një kontratë 5-vjecare me bardhezinjtë, ku përcaktohet se do përfitojë një shumë prej 2.5 milionë euro në sezon dhe me rritje të shifrës çdo vit. Ndërsa, Atalanta nga ana e saj do sigurojë plotë 35 milionë euro për këtë shitje, plur 9-10 milionë euro bonuse në varësi të rezultateve të Kulusevskit.
19-vjeçari do vazhdojë të qëndrojë te Parma deri në qershor, pasi kontrata midis kësaj skuadre dhe Atalantë ishte e parashikuar për këtë fazë kohore dhe më pas në verë do bashkohet me skuadrësn e Sarrit./Përgatiti: Fjala.al/
