Kim Jong Un ka bërë lëvizjen e tij strategjike, e cila duket si një ide e vjedhur nga Vladimir Putin. Ai ka dalë nëpër media duke shëtitur me një kalë të bardhë në një mal të shenjtë.
Sipas eksperteve këto mund të kenë një ngarkesë të fortë simbolike e mbase duhen parë si tregues i ndonjë deklarate politike. Për të tjerë këto foto tregojnë se Kim mund të jetë ftohur.
Kim i veshur me një pallto lëkurë, shoqërohej nga një grup zyrtarësh, si dhe nga e shoqja, Ri Sol Ju.
Mali ku ata shëtitën, një vullkan i fjetur në kufi me Kinën – ka një domethënie të madhe simbolike në Veri si vendlindja shpirtërore e kombit Korean dhe gjithashtu si vendi i lindjes së babait të liderit koreano-verior, Kim Jong Il.
Udhëheqësi aktual i vendit komunist vizitoi disa zona historike dhe u ngjit në mal, duke lënë sipas mediave atje një “gjurmë të shenjtë në zona të betejës revolucionare”, pasi shkeli në “borën e paprekur, trashësia e së cilës mbërrinte deri në gju’./Fjala.al
