Duke nisur nga dita e hënë, Shqipëria do të përfshihet nga masat ajrore të acarta që kanë mbuluar Evropën Qëndrore, Gjermaninë, Zvicrën e Francën.
“Presim që ky ajër të zbresë drejt Ballkanit. Parashikohet të qëndrojë shumë pak. Të hënën dhe të martën temperaturat do të shkojnë në vlerën minimale në -11, -12 gradë celsius në zonat malore, kryesisht verilindja dhe juglindja presin këto temperature në ndonjë zonë të veçantë”, u shpreh sinoptikania e meteoalb, Lajda Porja.
Edhe bregdeti dhe zona e ulët do të kenë temperature të ulëta. Edhe në Tiranë pritet që gjatë këtyre dy ditëve të shkojë edhe në -2 gradë dhe vlerat maksimale të jenë jo më shumë se 11- 12 gradë, këto vlera do të jenë deri ditën e mërkurë.
Më pas do të kemi rritje të temperaturave me 2-3 gradë të cilat do të vazhdojnë deri në mesin e janarit. Në vlerë negative do të jenë vetëm zonat malore./Fjala.al
