Kryeministri Edi Rama pranoi sonte se nuk kishte komunikuar me Bashën që në kohën kur ishte ende në Kuvend. Por, kreu i qeverisë tha se i ka dërguar një mesazh kreut të PD-së Lulzim Basha pas tërmetit të 26 nëntorit, që shkaktoi 51 viktima.
Në panelin me analistët Lorenc Vangjeli dhe Preç Zogaj, Rama tregoi edhe diçka nga përmbajtja e mesazhit, ku i kishte sugjeruar liderit të opozitës që të ishin bashkë.
“Unë i kam çuar një mesazh (Bashës) në ditët pas tërmetit për t’i kërkuar… sugjeruar që të jemi bashkë, dhe kaq. Komunikimi i fundit me të ka qenë kur PD ka qenë ende në Parlament”, pohoi Rama në studion e emisionit “Java në RTSH”./Fjala.al.
