Një karton i kuq, një barazim dhe një mundësi për Realin. Kjo ishte gjithçka u luajt mbrëmjen e djeshme në Katalunja ku kampionët në fuqi nuk munden dot të fitonin.
Barcelona ka barazuar në derbin e Barcelonës me Espanjolin me rezultat 2-2. Ishte një ndeshje e vështirë kjo për skuadrën e Lionel Messit.
15 minutat e fundit ata u detyruan të luajnë me një lojtar më pak pasi Frenkie De Jong u përjashtua me të kuq
Barcelona nuk e ka nisur mirë Vitin e Ri pasi që ka barazuar në derbin lokal kundër Espanjolit me rezultat 2-2.
Ishte kjo një ndeshje ku dominoi Barcelona, megjithatë përjashtimi me të kuq i de Jong në minutën e 75-të, bëri që Espanjol ta barazojë rezultatin në fund të ndeshjes..
Espanjol e fillojë shumë më mirë pjesën e parë dhe arritën që të shënojnë gol në minutën e 23-të me anë të Davide Lopez.
Me këtë rezultat edhe përfundojë pjesa e parë ku Barcelona shkonte në disavantazh prej një goli kundër rivalit lokal.
Megjithatë, pjesa e dytë solli këndelljen e Barcelonës të cilët shënuan dy gola që në fillim të pjesës së dytë.
Fillimisht ishte Luis Suarez që barazoi rezultatin në minutën e 50-të pas asistimit të Jordi Albas. Në minutën e 59-të arrin që ta përmbys rezultatin me anë të Arturo Vidalit.
Deri në minutën e 75 gjithçka shkonte mirë për Barcelonën, por përjashtimi i Frankie de Jong i vështirësoi gjërat për skuadrën e Lionel Messi.
Pas presionit të Espanjolit vendasit arritën që të barazojnë rezultatin duke shënuar në minutën e 88-të me anë të Wu Lei.
Pas këtij barazimi megjithatë Barcelona kthehet në vendin e parë në La Liga me 40 pikë aq sa ka edhe Real Madridi.
Kështu kampionët e Spanjës bëjnë një hap fals duke i lënë mundësinë rivalit të vet t`i ndjekë me të njëjtin ritëm. /Fjala.al/