Disa shoferë në Rusi menduan se kishin bërë një zgjedhje inteligjente kur vendosën që të parkonin makinat e tyre mbi akull.
Por, nga foto duket qartë se mendimi i tyre ishte shumë i gabuar, akulli ishte vërtet i forte por jo aq sa të mbante lartë tonelata peshë që bënin 45 makinat e parkuara.
Nga mediat e huaja mësohet se ngjarja ndodhi në gjirin e Voyevoda, afër qytetit të Vladivostokut në Rusi.
Asnjë person nuk është raportuar të ndodhej në makinë në momentin kur akulli është çarë, ndërsa në pamjet e publikuara duken automjetet, disa prej të cilave gjysmë të fundosura, ndërsa disa të tjera janë zhytur totalisht.
“Të gjithë hipën mbi akull dhe parkuan pranë njëri-tjetrit. Ishte si efekt domino. Ishte e frikshme”, është shprehur një dëshmitar. /Fjala.al
