Kanë dalë listat me emrat e legjendave që do luajnë më 10 janar në stadiumin “Air Albania”. Pak ditë më parë mbrojtësi i Kombëtares Andi Lila bëri publik personat që do luajnë me përfaqësuesen tonë, ndërsa sot janë konfirmuar dhe ata të Italisë, Greqisë e Turqisë.
Disa nga lojtarët më të mirë të historisë së futbollit në Shqipëri e në tre vendet fqinje kanë rënë dakord që të luajnë më 10 janar në “Air Albania” në mënyrë që paratë që do të mblidhen të shkojnë në ndihmë të të prekurve nga tërmeti i 26 nëntorit të 2019 në vendin tonë.
Ashtu siç pati lajmëruar organizatori i kësaj ndeshje, Andi Lila për Shqipërinë do të luajnë emra të tillë si Cana, Bogdani, Duro, Strakosha, Raklli, Murati, Tare, Hasi, Bejqaj e shumë yje të tjerë.
Itali do të përfaqësohet nga emra siç janë Zambrota apo edhe Di Baxhio, Greqia do ketë Gekas dhe Panajotis, ndërsa në listën e Turqisë përfshihen yje si Ersoj, Altintop, Karan, Shanli, Rushtu.
Ndeshja do të zhvillohet në tre pjesë me nga 35 minuta, ku dy të fraksionet e para do jenë në formë gjysmë finaleje, për t’u mbyllur me finalen e madhe në pjesën e tretë ku do dali dhe kombëtarja fituese./Fjala.al/ Përgatiti: Katerina Tafa/
Listat:
