Policia e Vaut të Dejës, Shkodër njofton se kanë arrestuar një 47-vjeçar pasi ky i fundit qëlloi me armë drejt mikut të vetë.
Ngjarja ka ndodhur në banesën e 47-vjeçarit, pas një konflikt të çastit ka qëlluar me armë zjarri në drejtim të mikut të tij P.L, i cili kishte shkuar për një vizitë. Policia ka ndërhyrë në kohë duke parandaluar kështu përshkallëzimin e situatës.
Gjatë kontrollit në banesë u gjetën dhe u sekuestruan dy armë zjarri (pushkë) pa leje. Ndërkohë që materialet i kanë kaluar Prokurorisë pranë Gjykatës së Shkallës së Parë, Shkodër. 47-vjeçari me inicialet GJ.V do të akuzohet për veprat penale “Vrasje me dashje e mbetur në tentativë” dhe “Armëmbajtja pa leje”.
Njoftimi Policisë
Qëlloi me armë në drejtim të mikut të vet, ndërhyrja në kohë e Policisë parandalon përshkallëzimin e mëtejshëm me pasoja për jetën.
Vihet në pranga 47-vjeçari.
Sekuestrohen dy armë zjarri.
Në Sallën Operative të Komisariatit të Vaut të Dejës ka ardhur një telefonatë se në fshatin Toplanë kishte një konflikt midis dy shtetasve dhe kishte të shtëna me armë zjarri.
Shërbimet e Komisariatit të Policisë Vau i Dejës kanë reaguar në kohë dhe në bashkëpunim me Forcat Operacionale të DVP Shkodër bënë të mundur lokalizimin, kapjen dhe arrestimin e shtetasit:
Gj. V., 47 vjeç, lindur dhe banues në Toplanë, të Njësisë Administrative Temal, të Bashkisë Vau i Dejës, i cili kur ka parë forcat e Policisë ka mundur të largohet.
Ky shtetas, në banesën e tij, pas një konflikti të çastit ka qëlluar me armë zjarri kundrejt shtetasit P. L., i cili ndodhej për vizitë tek banesa e shtetasit Gj. V. (miq me njëri-tjetrin).
Gjatë kontrollit në banesë iu gjeten dy armë zjarri (pushkë) pa leje, të cilat u sekuestruan në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme, për veprat penale “Vrasje me dashje” e mbetur në tentativë” dhe “Armëmbajtja pa leje” ./Fjala.al
