Vetëm një ditë na ndan nga ndeshja e parë gjysmëfinale për Superkupën e Spanjës dhe duket se nga Real Madrid nuk ka lajme aspak të mira.
Bardhezinjtë do të përballen në orën 20:00 në Arabinë Saudite me skuadrën e Valencias për t’u kualifikuar në finalen e Superkupës, ku përballë mund të kenë skuadrën e Barcelonës ose atë të Atletico Madrid, të cilat do të luajnë ditën e enjte në po të njëjtën orë.
Mesa duket nga kampi i madrilenëve nuk ka aspak lajme të mira, pasi në këtë sfide “Los Blancos” vijnë me mungesa të theksuara në sulm.
Skuadrës së Zidane Zinedines do i mungojnë dy yjet, Karim Benzema dhe Gareth Bale kjo për shkak të problemeve fizike.
Titulli i La Ligës duket se është shumë i vështirë për t’u arrirë në një garë ku kundërshtarët vazhdojnë të ecin përpara, ndaj dhe Zinedine ka preferuar të mos rrezikojë duke i marrë me vete lojtarët, për t’i ruajtur.
Mungesa e dy prej emrave më të mëdhenj të Realit është pak e vështirë për t’u zëvendësuar pasi edhe Eden Hazard ka shtyrë fazën e rikuperimit.
Dëmtimet kanë prekur një numër të konsiderueshëm të lojtarëve të Real Madrid dhe duket se prej disa javësh tekniku nuk mund të mbështetet as te emra si Rodriguez, Marcelo e Asensio./Fjala.al/
