Ka përfunduar edhe sot pa marrëveshje takimi mes Liderit të lëvizjes Vetëvendosje Albin Kurti dhe Kreut të LDK Isa Mustafa.
Dy liderët u takuan rreth orës 15.00 në ambientet e Kuvendit të Kosovës, pas një pauze disa javore për marrëveshjen e koalicionit për formimin e qeverisë së re të Kosovës
Lideri i LDK-së Isa Mustafa dhe anëtarët tjerë të kësaj partie kanë dalë nga takimi pas tre orësh.
Para mediave, shkurtimisht, Mustafa ka lënë të nënkuptohet se nuk kanë arritur marrëveshje për koalicion.
Ai ka shtuar se nuk janë të hidhëruar me Kurtin dhe se do të takohen nesër.
“Sjemi kanë idhnushëm me Albin Kurtin, kemi me u taku nesër”, ka thënë Mustafa.
Përveçse nuk ka marrëveshje, nga ana e LDK-së nuk është treguar asgjë tjetër rreth asaj që është diskutuar në takim.
Edhe zëdhënësi i LDK-së Besian Mustafa tha se në këtë takim pati dakordim që të ketë edhe një takim tjetër nesër.
“Janë pajtuar që nesër të kenë edhe një takim të radhës për orën e saktë ju njoftojmë edhe nesër. Nuk kam detaje çka është diskutuar në takim”, ka thënë shkurt zëdhënësi i LDK-së./Fjala.al/
