Përgjegjësi e atentatit ndaj ish sulmuesit të Kombëtares serbe, Darko Kovacevic në Greqi i është hedhur mafies shqiptare.
Mbrëmjen e djeshme Kovacevic u sulmua me armë zjarri në Athinë, sulm nga i cili ish lojtari i Serbisë mbeti i plagosur në këmbë, por pa rreziqe për jetën. 46-vjeçari ka pas luajtur me skuadra të mëdha siç është Juventus, Lacio madje edhe klubi grek i Olympiakos ku edhe ka mbyllur karrierën.
Kovacevic ka pas punuar në klubit të Pireut ndaj edhe ndodhej në Athinë në momentin e sulmit.
Mediet greke siç është “Sportfm”raportojnë se personat përgjegjës të këtij atentati mund të jenë pjesë e mafies rumune dhe asaj shqiptare. Ndërsa, nuk dihet ende shkaku i konfliktit midis ish-sulmuesit dhe atentatorit, policia greke fajëson pikërisht mafien shqiptare e rumune për këtë ndodhi.
“Natën e mbrëmshme dikush i panjohur e ka qëlluar me armë jashtë shtëpisë së tij. Serbi u transferua menjëherë në spital dhe tani për fat të mirë është jashtë rrezikut për jetën. Autori nuk është gjetur por dyshohet se është pjesë e mafies shqiptare ose rumune”-thuhet në notimin e policisë greke të raportuar nga “Sportfm”./Fjala.al/
