Rezultatet jo të mira në La Liga kanë bërë që trajneri i Barcelonës, Ernesto Valverde, të kritikohet shumë nga tifozët e një pjesë e bordit drejtues të klubit katalanas.
Prej disa kohësh është folur për një largim të mundshëm të teknikut spanjoll dhe duket se tashmë i ka ngelur një test për të kaluar në mënyrë që të sigurojë qëndrimin.
Ndeshja për Superkupën e Spanjës duket se do të vendosë për të ardhmen e Valverdes, duke i ofruar atij dy mundësi heqjen e kritikave që mund të arrihet nga fitorja ose largimin në rast humbjeje, duke e rritur presionin mbi të.
Nesër në orën 20:00 do të luhet gjysmëfinalja midis Barcelonës dhe Atletico Madrid, ndërsa sot është ajo midis Valencia dhe Real Madridit.
Në fund të këtij kompeticioni duket se do të vendoset edhe e ardhmja për menaxherin e Barcelonës./Fjala.al/
