Një baba 48-vjeçar është akuzuar për vrasjen e vajzës së tij 7-vjeçare. Ngjarja ka ndodhur të hënën në Ingersheim, e cila është një komunë e vogël gjermane.
Prokurori i çështjes ka deklaruar se babai ka marrë të hënën pasdite vajzën e tij në shkollë ndërsa rreth orës 5 të mëngjesit ai ka bërë të ditur vetë për vdekjen e vajzës së tij duke pranuar fajësinë.
Policia ka shkuar menjëherë në shtëpinë e tij dhe për fat të keq gjetën trupin e fëmijës ndërsa burri u mor menjëherë në arrest për ‘vrasjen e një të mituri nën moshën 15 vjeç’.
Shkaqet e vdekjes së fëmijës ende nuk janë përcaktuar, por elementët e parë tregojnë se është “mbytje”. Ndërkohë pritet një autopsi të kryet sot për të përcaktuar saktësisht arsyen e vdekjes të së miturës. I dyshuari, i cili ishte akoma në paraburgim deri të martën në mbrëmje, do të ketë një hetim të posaçëm gjyqësor./Fjala.al
