Makina e nënkryetarit të Kuvendit të Kosovës, Sllavko Simiç është hedhur në erë me eksploziv në Leposaviç.
Ngjarja e rëndë ka ndodhur në mesnatë. Nga sulmi nuk ka të lënduar por vetëm dëme materiale.
“Mbrëmë pas mesnatës, saktësisht rreth orës 1:30, para ndërtesës ku jeton Sllavko Simiq në Leposaviq, është hedhur eksploziv në automjetin e deputetit Simiq me ç’rast automjeti është djegur i tërë”, kanë thënë burimet e KosovaPress.
Sllavko Simiç është nënkryetar i Kuvendit të Kosovës, nënkryetar i Listës Serbe, si dhe kryetari i Listës Serbe për qarkun e Mitrovicës./Fjala.al/
