Napoli është një nga klubet italiane që vazhdimisht rekruton futbollistë me origjinë shqiptare. Duket se situata e Hysajt që për momentin është i vetmi shqiptar në këtë skuadër nuk është shumë e mirë dhe së shpejti flitet se ai mund të largohet.
Ndërsa, prej kohësh në mediet vendase flitet për një kalim të dy shqiptarëve të tjerë, Rrahmanit e Kumbullës në këtë skuadër.
Është gjetur tashmë marrëveshja midis Veronës e Napolit për kalimin e Rrahmanit te këta të fundit në mbyllje të sezonit 2019-2020.
Për transferimin e Rrahmanit u ra dakord shifra 10 milionë euro plus bonuse që e çojnë vlerën e tij diku te 12-13 milionë euro në total. Sezonin e ardhshëm shqiptari nuk do të jetë më pjesë e Veronës, por do jetë te Napoli me të cilin firmosi një kontratë plot 5-vjeçare, nga ku lojtari do të marrë një shumë prej 1.5 milionë euro në sezon.
Megjithatë, duhet theksuar se ky kalim ndikon edhe te e ardhmja e shqiptarit tjetër Kumbullës,duke e afruar atë akoma më shumë me skuadrën e Interit raporton Sky Sport.
Në transferimin e qendërmbrojtësit shqiptar te Interi duket se ndikon edhe Frederico Dimarco. Mbrojtësi i zikaltërve do të kalojë te Verona duke i dhënë bonus Interit për të marrë Kumbullën.
20-vjeçari shqiptar shihet si një investim me përfitim për skuadrën e Interit, që siç duket nuk dëshiron ta humbasë këtë shans./Fjala.al/
