Shteti Islamik ka filluar të fuqizohet sërish pas pezullimit të operacioneve amerikaneve bashkë me aleatët e tjerë në Irak për shkak të tensioneve SHBA-Iran në Lindjen e Mesme.
Kjo ka bërë që koalicioni global të ridimensojë luftën ndaj Shtetit Islamik.
Pjesë e këtij koalicioni është edhe Kosova. Ramush Haradinaj premton se Kosova do të rreshtohet bashkë me koalicionin global për të luftuar Shtetin Islamik.
“Koalicionin Global kundër ISIS-it e përbëjnë 31 shtete, ku përfshihet edhe Kosova. Fatkeqësisht edhe Kosova është prekur nga kjo luftë, ku disa qytetarë kanë shkuar atje. Në kuadër të pjesëmarrjes në këtë koalicion, ne i kryejmë obligimet. Kosova është e gatshme të kryej obligimin ushtarak, policor, inteligjencës e obligime logjistike ndaj këtij koalicioni”, ka thënë Haradinaj, pas mbledhjes së qeverisë.
Dy vite më parë, Qeveria e Kosovës, kishte ndarë 100.000 euro në përkrahje të këtij koalicioni./Fjala.al/
