Meksika është tronditur nga një skenë makabër pasi autoritetet kanë zbuluar disa qese, brenda të cilave gjendeshin pjesë të trupave të njerëzve.
Ishin gati 26 qese të cilat kishin plot me pjesë të trupit të njeriut dhe u gjetën në një luginë. Zyrtarët fillimisht zbuluan 14 qese me pjesë të trupit. Ata u kthyen të mërkurën dhe gjetën 12 të tjera.
Ndërkohë zyrtarët e Mjekësisë Ligjore në shtetin perëndimor meksikan Jalisco po përpiqen të përcaktojnë se sa viktima llogariten në 26 qeset plastike. Zyra e prokurorit të shtetit Jalisco ka thënë në një deklaratë se filloi të mbledhë qeset të martën në komunën e Tonala në periferi të Guadalajara.
Pas kësaj, mbetjet janë dërguar në institutin e shkencës mjeko-ligjore për identifikim.
Sipas mediave, zona ka përjetuar dhunë dhe zhdukje në rritje vitet e fundit./Fjala.al
