Tottenham pret në javën e 22-të të Premierë Ligë skuadrën e Liverpool në orën 18:30, duke e bërë këtë takim më të rëndësishmin të ditës.
Ky takim vë përballë dy nga trajnerët më të mirë të futbollit botëror dhe në veçanti të atij anglez, Jose Mourinhon dhe Jurgen Klopp.
Gjermani i Liverpool ka bërë disa batuta epike ndaj kundërshtarit të tij të kësaj jave në një konferencë për shtyp që ka dhënë.
Duke folur në lidhje me pozicionin që ka pasur Mourinho në kohën kur ishte futbollist dhe i pyetur si cili nga ata dy ka qenë lojtar më i mirë, Klopp ka ironizuar portugezin dhe ka thënë se mendonte që ai ka qenë portier dhe u ka kërkuar gazetarëve të pranishëm që të kërkonin në “Google” për këtë çështje.
“Nuk e di se në çfarë pozite ka luajtur Mourinho… A ishte portier? A e di dikush se në çfarë pozite ka luajtur Mourinho? Mos më fajësoni mua nëse nuk e dini… Mendoj se ka qenë portier… Unë dua ta di tani pozitën që ka pas. Shikojeni në “Google”,-ka thënë gjermani duke qeshur.
Njëri nga gazetarët i është përgjigjur duke thënë se nuk kanë kohë, ndërsa Klopp ia ktheu menjëherë
“Kemi kohë, unë kam kohë”- vijoi ai.
Më tej, gazetari kërkoi dhe i tha Klopp se Mourinho ka luajtur në mesfushë duke bërë që trajneri i “Reds” t’i kërkoi falje Mourinhos duke qeshur.
“Më fal Jose”- përfundoi Klopp.
Ndërkohë, na mbetet vetëm të shohim se cili do jetë triumfuesi i mbrëmjes./Fjala.al/
Jurgen Klopp made someone google which position Jose Mourinho used to play in ? pic.twitter.com/LP5KcI8sJF
— ESPN FC (@ESPNFC) January 10, 2020
