Pagesa e taksës vjetore të mjeteve të përdoruara dhe mjeteve të luksit mund të kryhet edhe online. Për të shmangur radhët e gjata në dyert e zyrave të Drejtorisë së Përgjithshme të Shërbimit të Transportit Rrugor për pagesën e taksave qeveria ka vendosur ta ofrojë këtë shërbim përmes portalit e-albania. Pronarët e mjeteve duhet të disponojnë dy dokumente për të aplikuar në portalin qeveritar.
Dokumentacioni i nevojshëm
- Dokumenti i identifikimit të përdoruesit: kartë identiteti ose pasaportë biometrike, i nevojshëm për t’u identifikuar si qytetar në portalin e-Albania;
- NUIS (Numri Unik i Identifikimit të Subjektit), i nevojshëm për t’u identifikuar si biznes në portalin e-Albania.
Hapat e procedurës
- Identifikohuni si qytetar ose biznes në portalin e-Albania;
2. Zgjidhni shërbimin “Pagesa e taksës vjetore të mjeteve të përdoruara/ mjeteve të luksit”;
3. Klikoni butonin” Përdor” për të parë automjetet që dispononi;
4. Zgjidhni mjetin për të cilin dëshironi të shikoni taksat përkatëse dhe klikoni butonin “Zgjidh”;
5. Klikoni butonin ” Llogarit” në rast se keni taksa të papaguara për të parë vlerën e tyre;
6. Në rast se do të kryeni pagesën online, klikoni butonin “Paguaj” dhe ndiqni hapat për të kryer pagesën;
7. Pagesa mund të kryhet përmes Bankës Credins, me një kartë debiti ose krediti brenda dhe jashtë Shqipërisë.
8. Konfirmimi i pagesës bëhet pranë drejtorisë rajonale përkatëse të DPSHTRR-së
Shënim:
Në rastin kur shërbimi shfaq: “Nuk ka të dhëna!”, arsyet e mos shfaqjes së të dhënave janë:
1. Nuk ka automjete të regjistruara në pronësi të qytetarit ose biznesit;
2. Ekzistojnë raste kur ka automjete të regjistruara në pronësi të qytetarit ose biznesit, por në të dhënat e pronarit nuk është i regjistruar Numri i Identifikimit të tij (NID).
Në këto raste, lutemi që të drejtoheni pranë Drejtorive Rajonale të Shërbimeve të Transportit Rrugor për plotësimin e të dhënave tuaja në regjistrin elektronik të DPSHTRR-së.
