Vijojnë aksidentet në këtë fillim viti. Nëntë persona janë plagosur mbrëmjen e sotme në Pogradec dhe në Lezhë. Dy nga të plagosurit ndodhen në gjendje të rëndë.
Në aksin Lezhë-Milot pranë urës mbi lumin Drin rreth orës 17:15 u përplasën dy makina.
Nga aksidenti mbetën të plagosur gjashtë persona, nga të cilët dy janë më rëndë. Të plagosurit janë transportuar në spital për ndihmë.
Si pasojë e aksidentit u bllokua aksi në të dy anët për më shumë se 30 minuta.
Ndërkohë që në Pogradec në afërsi të tunelit panoramik, nga përplasja e fortë e dy makina mbetën të plagosur dy drejtuesit dhe një pasagjer.
Të plagosurit mësohet se janë jashtë rrezikut për jetën.
