Fundjava e dytë e janarit u mbyll me reshje shiu afatshkurtra në zonat fushore, dhe reshje dëborë në zonat malore.
“Dita e sotme ka pas vranësira që do të vijojnë në orët e ardhshme duke bërë që të kemi reshje të pakta shiu në zonat qendrore dhe jugore ndërsa në zonat veri-lindore reshjet pritet që të jenë të pakta por në formën e dëborës”, bën të ditur për mediat specialisti i Metoalb, Hakli Osmani.
Sipas sinoptikanëve shiu do të largohet në zonat malore, duke ndaluar kështu flokët e dëborës.
“Duke filluar nga dita e hënë dhe në vijim do të kemi kthjellime në territorin shqiptar duke bërë që që vranësirat të jenë më të paktë dhe të fokusuara kryesisht në zonat malore“ , thotë Osmani.
Kjo javë do të jetë më e ngrohtë se ajo që lamë pas. Temperaturat do të vijojnë nga vlerat negative në ato pozitive.
“Për sa i përket vlerave termike pritet që ato të shënohen më -4 dhe -5 gradë celsius në zonat malore, ndërsa përgjatë ultësirës perëndimore pritet që vlera maksimale të shënohet 15 gradë celsius”, thotë Osmani.
