Regjistrimi i aktit të shit-blerjes së automjeteve do të kryhet pa penalitete deri në 28 shkurt të këtij vitit. Pas kësaj date gjoba do të jetë 10,000 – 40,000 lekë. Drejtoria e Përgjithshme e Shërbimit të Transportit Rrugor bën të ditur se deri datë. 28.02 afati për regjistrimin e akt-shitjeve të mjeteve pa penalitet. Nga data. 2.03.2019 gjobë blerësit deri 40 mijë lekë nëse përditësimi i ndryshimit të pronësisë nuk kryhet brenda 10 ditëve nga data e akt-shitjes.
“ DPSHTRR ofron një shërbim risi për shitësin, për aktshitjet e vjetra të kryera jo në sportelet tona, që duke filluar nga dt. 15.01.2020 mund të vetëcregjistrohet nga pronësia e mjetit që ka shitur, në sistem, duke depozituar dokumentin e akt-shitjes, me efekt nga data e aktshitjes, si një zgjidhje e shumëpritur nga shumë të interesuar”-thuhet në njoftim
Për personat që kanë shitur një mjet dhe ai vijon të mbetet në emër të shitësit ndërsa e përdor blerësi ky mjet mund t’ju ngarkojë me detyrime nëse blerësi nuk paguan taksat, nëse nuk paguan gjobat brenda apo jashtë vendit. Mund të keni probleme nëse ky mjet përdoret për krime apo nëse shkakton dëme/fatalitete. Ndërsa në rastet kur keni blerë një mjet dhe nuk e keni kaluar në emrin tuaj ky mjet mund t’u bllokohet apo konfiskohet nëse shitësi ka detyrime ose debi ndaj të tretëve. “ Ju do të përballeni me gjoba për vonesën e kalimit të mjetit në emrin tuaj! Shitësa e blerësa! Rregulloni pozicionin tuaj në lidhje me mjetin! Për ju, për sigurinë rrugore, për DPSHTRR, për ligjin: Shitësi ka të drejtën të deklarojë mes dokumentave, faktin e aktit të shitjes, pranë DPSHTRR (Drejtoritë Rajonale), blerësi ka detyrimin të regjistrojë në emrin e vet (individ/subjekt) mjetin pranë DPSHTRR (Drejtoritë Rajonale). Deri në 28.02.2020 nuk do aplikohet gjoba që parashikon Kodi Rrugor, 10,000 – 40,000 Lekë të reja sipas vonesës! Nga data 02.03.2020 do aplikohet gjoba ndaj çdo regjistrimi të vonuar kalimi pronësie. Penalizimi rëndon mbi blerësin. Për gjithë ata që planifikojnë shitjen-blerjen, DPSHTRR ofron shërbimin e lehtësuar të kalimit të pronësisë së mjetit direkt në sportelet tona – 1 Stop Shop (1,400 Lekë)”-thuhet në njoftimin e DPSHTRR.
