Një i ri amerikan, i humbur që prej 23 ditëve në të ftohtin polar të Alaskës është shpëtuar përfundimisht me helikopter.
Në një video të postuar në Facebook nga autoritetet lokale të Premten , Tyson Steele, 30 vjeç, bëri shenja drejt helikopterit që erdhi për ta shpëtuar atë. Në dëborë ai kishte shkruar një SOS të madhe.
“Kabina e tij u dogj në mes të dhjetorit duke vrarë qenin e tij. Ai ishte i izoluar në temperaturat nën ngrirje dhe pa mjet komunikimi për 23 ditë”, shkruan policia e Alaskës .
I riu u gjet i sigurt dhe shëndoshë në këtë zonë ku ai kishte jetuar që nga shtatori, larg çdo vendbanimi. Ai tregoi për luftën e tij të jashtëzakonshme për të mbijetuar.
Sipas historisë së transmetuar nga autoritetet, Tyson Steele u zgjua rreth orës 1 e mëngjesit dhe i veshi çizmet e tij duke nxituar për të dalë jashtë. Zjarri kishte marrë kabinën e tij me shumë rrëmbim dhe ai nuk pati kohë mjaftueshëm për të shpëtuar qenin e tij, i cili nuk e ndoqi.
“Qeni im fillon të bërtasë brenda. Unë mendova se ai nuk ishte Brenda. Unë u bëra histerik dhe nuk kam fjalë për të përshkruar dhimbjen që përjetova ” –u shpreh ai./Fjala.al
