Klubi i Juventus është duke ndjekur nga afër kampionin e botës në port Manuel Neuer. “Zonja e Vjetër” dëshiron që tja marrë numrin një portierit Vojçek Shenzi dhe në pozicionin e tijtë vendos rojtarin e Bayern Munchin.
Kalimi i portierit të Schalke 04, Aleksandër Nubel të bavarezët do të sillte ulje të rolit të Neuer, i cili deri më tani ka mbajtur të paprekur pozicionin e titullarit te kampionët e Gjermanisë që prej vitit 2014.
Karakteristikat e Neuer përshtaten më së miri me liderizmin që Juve kërkon të ketë në portë. Ky lajm është bërë publik nga “France Football”, e cila po ashtu raporton se dëmtimet që gjermani ka pasur vitet e fundit bëjnë që te klubi i Bayern të ketë hezitim për rinovimin e kontratës me portierin.
Duket se edhe në Kombëtare, Neuer po përballet me frikën e zëvendësimit, pasi po synohet që pozicioni i tij t’i jepet portierit të Barcelonës, Mark-Andre Ter Stegen, i cili duket se është në formë shumë të mirë, e po kalon një periudhë fantastike.
Pozita jo shumë e lakmueshme e kampionit në Bundesligë duket se e favorizon “Zonjën e Vjetër”, e cila po blindon çdo cep të saj./Fjala.al/
