Festivali Sanremos në Itali, feston 70-vjetorin e tij këtë vit. Në një konferencë për shtyp nga drejtori artistik i teatrit Ariston, Amadeus ka prezantuar disa nga bashkë-prezantueset që do e shoqërojnë gjatë Festivalit. Midis emrave të yjeve botëror është dhe prezantuesja shqiptare mjaft e dashur për publikun shqiptar, Alketa Vejsiu.
Përveç konfirmimit nga mediat italiane, lajmin e konfirmon dhe vetë Alketa nëpërmjet një postimi në rrjetin social “Instagram”. Ajo shkruan se është mjaft e lumtur për këtë lajm dhe se është dita më e lumtur e jetës së saj dhe në fund falënderon Shqipërinë, Italinë dhe producentët dhe menaxherët e festivalit.
Alketa Vejsiu do të jetë natën e ditës së enjte më 6 shkurt, së bashku me të do të jenë dhe Georgina Rodriguez partnerja e Cristiano Ronaldos, aktorja e njohur Monica Belluci, Mara Venier, Francesca Sofia Novello e dashura e Valentino Rossi, Antonella Clerici, e cila ka prezantuar Festivalin e vitit 2005 me Paolo Bonolis , Diletta Leotta, Sabrina Salerno, gazetarja Rula Jebreal, Emma D’Aquino, Laura Chimenti. /Fjala.al
