Një grup shkencëtarësh po sfidojnë mënyrën se si ne i shohim robotët pasi ata kanë zhvilluar atë që përshkruhet si roboti i parë i gjallë dhe i vetëshërueshëm i botës.
Roboti u ndërtua duke përdorur qelizat burimore të një bretkose.
Të quajtur xenobots (emëruar kështu prej emrit të bretkosës nga Afrika tw cilës iu morën qelizat burimore), këta janë robotë të gjallë, më pak se një milimetër të gjerë, duke i bërë ata të mund të hyjnë në trupin e një njeriu.
Ata janë gjithashtu të aftë të ecin, të notojnë, të punojnë së bashku në grupe dhe të mbijetojnë pa ushqim për javë të tëra.
Sipas Joshua Bongard, një nga studiuesit kryesorë në Universitetin e Vermontit, “Këto janë makina të reja të gjalla. Ata nuk janë as robotë tradicional dhe as një specie e njohur e kafshëve. Është një klasë e re e objekteve: një organizëm i gjallë, i programueshëm. ”
”Një nga përfitimet e këtij dizajni është se ato janë më miqësore me mjedisin dhe më të sigurt për shëndetin e njeriut. ”
Kjo pasi sipas studiuesve, robotët tradicionalë priren të degjenerohen me kalimin e kohës dhe do të prodhojnë efekte anësore të dëmshme ekologjike dhe shëndetësore, transmeton tg.
Tani për tani, ekzistojnë përdorime të ndryshme të mundshme për ksenobotet, të tilla si pastrimi i mbeturinave radioaktive, grumbullimi i mikroplastikës në oqeane, dhënia e ilaçeve brenda trupit tone etj. /Fjala.al
