Masakra e Reçakut, e cila sot shënon 21 vite, do të mbahet mend gjatë në histori si një nga ngjarjet më të tmerrshme të krimeve kundër njerëzimit.
Kjo do të ishte ngjarja që do të bënte Perëndimin të kthente sytë nga Kosova dhe NATO-n të bombardonte kasapin e Ballkanit, Sllobodan Millosheviç.
Zëri që e denoncoi me aq forcë atë masakër ishte shefi i misionit të OSBE-së në atë kohë, William Walker. Ai tha se nuk kishte fjalë se si ta përshkruante mizorinë serbe që pa me sytë e tij. Ndërsa e cilësoi një mizori të papërshkrueshme dhe që nuk e kishte parë në asnjë vend të botës.
“Jam kritik ndaj klasës politike të Kosovës, por më shumë kritik ndaj bashkësisë ndërkombëtare. Jam kritik ndaj klasës politike të Kosovës, por më shumë kritik ndaj bashkësisë ndërkombëtare. Është e vështirë të gjej fjalët për të thënë diçka në lidhje më këtë. Kjo është ngjarja më e tmerrshme që kam parë, edhe pse kam qenë në shumë situata të këqija. Fatkeqësisht nuk kam fjalë për të përshkruar indinjatën time personale ose atë të të gjithë atyre që ishin me mua në vendin e asaj që mund të quhet vetëm si një mizori e papërshkrueshme”, deklaroi Walker në atë kohë.
Ai po ashtu kishte thënë “Nga ajo që pashë personalisht, nuk ngurroj ta përshkruaj ngjarjen si një masakër, padyshim një krim shumë kundër njerëzimit. Ishte një skenë shumë emocionale që po ndodhte atje”. /Fjala.al/
