Modelja Luisa Kremleva, me origjinë spanjolle dhe ruse akuzoi futbollistin Theo Hernandez për sulm seksual. Sipas saj, ngjarja ka ndodhur në qershor të 2017-tës në një klub nate në Marabella Spanj.
Denoncimi u hodh poshtë pasi akuza ishte e rreme dhe kjo çoi në arrestimin e saj. Luisa u ndalua të hënën e kaluar nga policia e ndërsa gjykatësi i komunikoi akuzën.
Në denoncimin e e modeles pretendohej se ajo kishte qenë me Theon në një klub nate dhe më pas ishte larguar me të në makinën e tij ku dhe futbollisti i kishte kërkuar marrëdhënie seksuale. Sipas saj ajo i kishte kërkuar të ndalonte, por ai e kish refuzuar dhe në momentin që e kishte kuptuar që ajo nuk do ta lejonte e kishte hedhur nga makina.
Pavarësisht akuzave të rënda dhe zemërimit të fansave të tij në rrjetet sociale, futbollisti nuk pati probleme me ligjin. Pas denoncimit të modeles dolën në dritë informacione sipas të cilave e reja kishte bërë edhe tre denoncime të tjera të ngjashme për dhunë seksuale për tre persona të tjerë në të njëjtin stacion policie.
Por tre vjet më vonë, autoritetet kanë zbuluar mesazhin e saj ndaj Theos gjatë natës kur sipas saj ka ndodhur abuzimi. Ajo e pyeste vazhdimisht futbollistin nëse ai do të vinte në shtëpinë e saj, gjë që nuk është tipike për një viktimë të abuzimit seksual. Gjithashtu, ekzaminimet mjekësore i hodhën poshtë supozimet e modeles. Tani ajo do të përballet me akuza serioze për denoncimin ndaj futbollistit./Fjala.al
