Një 26-vjeçar me inicialet K.P është arrestuar nga policia e Himarës në bashkëpunim me hetimet e narkotikëve dhe forcat operacionale të DVP Vlorë.
Arrestimi bëhet i ditur nga vetë autoriteti i Policisë së Shtetit, të cilët konfirmojnë se gjatë operacionit të riut i janë sekuestruar 13 kilogramë lënde narkotike të llojit kanabis, një automjet “Ford Fiesta” dhe një sasi parash prej 2400 eurosh.
Materialet i kanë kaluar Prokurorisë ndërkohë që mbi të rëndon vepra penale “Prodhim dhe shitja e narkotikëve”.
Njoftimi Policisë:
Himarë
Finalizohet operacioni antidrogë i koduar “Livadhi”.
Sekuestrohen 13 kg kanabis, vihet në pranga 1 shtetas.
Specialistët për hetimin e narkotikëve dhe forcat operacionale të DVP Vlorë, në bashkëpunim me shërbimet e Komisariatit të Policisë Himarë, në bazë të informacioneve të marra në rrugë operative se në qytetin e Himarës po qarkullonte një automjet i dyshimtë, menjëherë kanë organizuar punën, me qëllim bllokimin e këtij mjeti.
Në tentativë për t’u larguar dhe për t’i shpëtuar shërbimeve të Policisë, drejtuesi i automjetit “Ford Fiesta” e ka hedhur nga automjeti lëndën narkotike, pranë zonës bregdetare të quajtur “Livadh”, Himarë.
Në ndjekje e sipër, shërbimet e Policisë kanë bërë kapjen e menjëhershme dhe arrestimin në flagrancë të drejtuesit të mjetit, 26-vjeçarin K. P., banues në Shkodër.
Në vijim të veprimeve procedurale, Policia ka bllokuar dhe sekuestruar në cilësinë e provave materiale:
• 13 kg cannabis sativa;
• një automjet “Ford Fiesta”;
• një sasi parash prej 2400 eurosh;
Materialet iu referuan Prokurorisë, në ngarkim të tij, për veprën penale “Prodhimi dhe shitja e narkotikëve”./Fjala.al
