Në Texas është zhvilluar procesi gjyqësor ndaj një shtetasi amerikan i cili akuzohet për vrasje. Ka qenë prokuroria që e ka vënë nën akuzën e marrjes së jetës së vogëlushes 1 vjeç, teksa e kishte mbyllur në një çantë dhe e kishte lënë në mjetin e tij. Ai kishte shkuar në punë dhe makinën e kishte lënë në diell.
Autori i kësaj ngjarjeje të rëndë është 27-vjeçari Trevor Rowe, i cili u akuzua për vrasjen e vogëlushes 1-vjeçare Marion Jester-Montoya, duke e lënë të vdiste nga asfiksia brenda në makinë, jashtë zyrës së tij në Texas, SHBA.
Fillimisht Trevor e mori vogëlushen me vete në punë, ndërsa më pas e fshehu brenda një çante në makinë, ku e la për disa orë në diell.
Ai tregoi se shkoi që ta kontrollonte vogëlushen në pushimin e drekës së të mërkurës së 1 janarit dhe shpjegoi se e mitura kishte arritur të dilte nga çanta, por se ai e kishte futur sërish brenda.
“Merrte frymë lirisht, por qante”, tha ai. Rowe hëngri drekën në një ‘fast food’ aty pranë duke e lënë vajzën sërish në çantë, ndërsa më tej kur në orën 17.00 doli nga puna, vogëlushen e gjeti të pajetë.
Pavarësisht tentativave për t`i ardhur në ndihmë të miturës, vogëlushja u deklarua e vdekur, duke bërë që i riu të arrestohet.
Rowe, të cilit i ishte besuar e mitura nga nëna e saj, rrezikon dënimin me vdekje, ndërsa aktualisht ndodhet në burg. /Fjala.al/
