Berlin/ Konferenca për Libinë: Marrëveshje unanime për zgjidhje politike

113 563 lexime

124,178FansaPëlqeje

Pas katër orësh ka përfunduar me një marrëveshje për armëpushim në Libi dhe monitorim të tij, konferenca e nivelit të lartë e thirrur në Berlin nga kancelarja gjermane Angela Merkel, nën kujdesin e OKB, e përfaqësuar nga sekretari i përgjithshëm Antonio Guterrez.

11 udhëheqës të vendeve kryesore të përfshira në konfliktin në Libi u mblodhën  në Berlin, për të vendosur paqen në këtë vend. Synimi ishte që të bindeshin

Rusia, Turqia, Emiratet e Bashkuara Arabe dhe Egjipti, që të nxisin palët ndërluftuese të pranonin një armëpushim të qëndrueshëm në Tripoli, ku qeveria e mirëkuptimit, e njohur nga komuniteti ndërkombëtar, e që drejtohet nga Fayez al-Sarraj, prej muajit prill sulmohet nga forcat e marshallit Kalifa Haftar, që njihet si njeriu i fortë i Libisë Lindore.

Të dy udhëheqësit libianë ishin të pranishëm në konferencë por qëndruan në ambiente të ndara në kancelarinë gjermane, aty ku u mbajt takimi i nivelit të lartë.

Kancelarja Merkel ka diskutuar veçmas me të dy protagonistët libianë.

“Sarraj dhe Haftar kanë rënë dakord për krijimin e një komiteti ushtarak, që do jetë baza për të garantuar një armëpushim të përhershëm në Libi”, tha kancelarja Merkel në mbyllje të konferencës për Libinë në Berlin.

“Të gjithë janë dakord: kemi nevojë për një zgjidhje politike e nuk ka asnjë mundësi për një zgjidhje ushtarake”, ka shtuar ajo, duke saktësuar se “dëshirojmë të respektojmë embargon e armëve me më shumë kontrolle”.

Në dokumentin e dakordësuar thuhet se të gjithë aktorët, përfshi komunitetin ndërkombëtar, u impenjuan për të shmangur pazarllëqet.

Një ditë të mrekullueshme, e vlerësoi i dërguari special i OKB në Libi, Gasem Salamè, me urimin që zbatimi i marrëveshjes të nisë që të nesërmen.

Lexo edhe :  Vullkanet vetëm shkatërrojnë? Jo, qytetet mund të ndërtohen me llavë

Dokumenti i miratuar synon që t’i jepet fund ndërhyrjeve të shumta të huaja në Libi, ku përplasjet ushqehen nga oreksi për rezervat e mëdha të naftës që ka vendi, nga rivalitetet politike në rajon, dhe lojrat për influencë.

Ministri i jashtëm gjerman Heiko Maas tha se të dy palët, Sarraj dhe Haftar u impenjuan për të arritur një marrëveshje mbi puset e naftës, më i madhi, ai i Sharara, është bllokuar nga një grup i armatosur i  gjeneralit Kalifa Haftar.

Të fundit

E rëndë në Pogradec, gjendet një person i pajetë në ujërat e liqenit

Gjendet një person i pajetë në ujërat e liqenit të Pogradecit. Burime bëjnë me dije se është gjetur një i...

Miti i kriminelëve shqiptarë si një alibi e Berishës për humbjen shkatërruese

Nga Mero Baze Një nga alibitë kryesore me të cilat Berisha po përpiqet të justifikojë humbjen e tij shkatërruese të 11 Majit është ndërhyrja e...

Gazeta gjermane “Suddeutsche Zeitung”: Edi Rama, pikturë dhe pushtet!

“Kryeministri i Shqipërisë, Edi Rama, gjen kënaqësi te vizatimi, veprat e tij me ngjyra të forta dhe ndjesi psikodelike ekspozohen në galeri ndërkombëtare dhe...

Në Iran, sulmi i Izraelit ka shkatërruar çdo besim tek Perëndimi

Hossein Hamdieh Një armëpushim i brishtë i ka dhënë një ndalesë zhurmave tashmë të njohura të shpërthimeve mbi Teheran. Kam lindur në vitin 1988, një...

Përmbytjet në Texas, shkon në 50 numri i viktimave

Të paktën 50 persona humbën jetën pas përmbytjeve të rënda që goditën shtetin jugor amerikan të Texas, konfirmuan autoritetet, me disa fëmijë ende të...

Lajme të tjera

Web TV